رشا شربتجي : لم يكتب لي أن أكون أما !!
نشرت المخرجة “رشا شربتجي” عدة صور مع الأطفال اللذين شاركوها أعمالها الدرامية وعلقت عليها قائلة :
يمكن الله ماكتبلي كون أم، بس أنا انخرطت مع كتير أطفال بمهنتي، بعدة أعمال، واشتغلت معهن واشتغلوا معي، تعلمت منهن وتعلموا مني، كمية الحب والطاقة اللي وصلتني كانت كبيرة كتير، الإبداع والشغف والموهبة اللي بعيونهم كانوا بيتقارنوا بجهد وحلم النجوم ببعض الأوقات، هاد النقاء كلو حاولت أصقُل منو شي، ورغم التعب والصعوبة بس مافي أمتع من العمل على مادة خام، قادرة تعطيك كل العفوية والتلقائية.
وأضافت: أنا من قبل، ما كنت آمن كتير بشي اسمو “اليوم العالمي لكذا” بس اليوم نتيجة الجر..ائم والانتهاكات اللي عم نشوفا كل يوم للأسف، ومنهن بتمسّ حقوق الطفل بشكل مباشر، يمكن صار لازم نخصص يوم عالمي لكل شي بهالدنيي، بركي يتذكر العالم إنو في أطفال ونساء وحتى نباتات وحيوانات عم تنحرق وتنقتل بدون أي ذنب.
وختمت رشا حديثها: شكراً لكل طفل كان معي بأعمالي، فخورة فيكن وإن شاء لله شوفكن بأماكن أهم، وكل الرحمة لقلب كل طفل استشهد، أو ضاع، أو تشرد عن أهلو بهي الظروف الصعبة، والله يصبر قلب أهلهن.
