برسم الحكومة السورية : هل لديكم علم بواقع النقل بالنسبة للعسكريين ؟؟

كثيرة هي الملاحظات على الأداء الحكومي باتجاه واقع معيشة العسكريين , والتي لم نلحظ حتى الآن من مؤسسات الدولة أي جهد لتحسينها , واليوم سننفرد بالحديث عن شكوى حول واقع النقل بين المدن ..
وصلتنا شكوى من أحد العسكريين تفيدنا بشرح موجز حول معاناتهم بالتنقل بين مكان دوامهم ومكان إقامتهم أو إقامة أسرتهم , وكما هو معروف فإن أغلب العسكريين يداومون في مدن ومحافظات بعيدة عن أسرهم وبيوتهم , وإليكم نص الشكوى الأولى ..
«الموضوع أجرة ﺍﻟﺴﻔﺮ ﻣﻦ ﺣﻠﺐ ﻟﺪﻣﺸﻖ ﻭﺑﺎﻟﻌﻜﺲ .. بحسب ما وصلنا من أصحاب ﺍﻟﻤﻜﺎﺗﺐ بأن ﺍﻟﻤﺤﺎﻓﻆ ﺣﺪﺩ التسعيرة بـ 4000 ل.س , ﻃﻴﺐ ﻭﺍﻟﻌﺴﻜﺮﻱ ﺷﻮ ﻳﻌﻤﻞ ﺑﺤﺎﻟﻮ ؟؟؟ ..  ﻳﻌﻨﻲ ما في حل لإنصاف اﻠﻌﺴﻜﺮﻱ !! .. ﺳﻴﺎﺩﺓ ﺍﻟﻤﺤﺎﻓﻆ ﻭﺍﻟﻤﻌﻨﻴﻴﻦ .. هل ترضون أن يصعد ﺍﻟﻌﺴﻜﺮﻱ على الباص ويقضي وقت رحلته بين رجلين ﺍﻟﺮﻛﺎﺏ بالبولمانات ؟؟ .. السبب الذي يدفعه لذلك هو رغبته بالحصول على تسعيرة أقل وهي 3000 ل.س , ﻣﻨﺸﺎﻥ ﻳﻮﻓﺮ ﺃﻟﻒ ليرة لولاده ..  بصراحة الراتب ما ع بكفي .. وﺭﺍﺗﺐ ﺍﻟﻌﺴﻜﺮﻱ ﻣﻮ 100,000 ﺭﺍﺗﺒﻨﺎ 30 ﺃﻟﻒ , يعني ﺫﻝ ﺑﺬﻝ وتعتير .. ﻳﺎ ﺣﻴﻒ بس!!».
الرسالة الثانية التي وصلتنا بهذا الخصوص أيضاً ..
بأول الخدمة كنا نطلع بالقطارات وكان ماشي حالنا .. وقت قليل وسعره منيح .. بعد ماصارت الأحداث في حلب صرنا نطلع بالطيارة العسكرية من حلب للشام أو بالعكس .. حتى الطيران المدني كان يعطينا تخفيض منيح .. بلحظة ماعاد قدامنا غير طريقتين للنقل من حلب إلى دمشق وبالعكس .. إما مندفع 8000 ليرة ذهاب بدون إياب بالتكسي مشان نلحق الوقت .. أو مندفع 4500 بالبولمان ذهاب و4500 بالإياب وعلى كلا الحالتين بطير نص الراتب بالطريق .. سؤال كرمال الله .. العسكري اللي برقبته عيلة وولاد كيف بدو يتصرف ؟؟».